【一樣可以兩手揈揈】五星級露營地 又平又靚 啱晒一家大細

這是每位愛孩子的爸媽
都需要擁有的親子遊Guidebook

cover camping -01

近日經常在各大媒體及viral platforms看到有報道推介摩星嶺青年旅舍的「兩手 Fing Fing去露營」活動,說是有希臘白屋仔風情,又不用帶露營工具,的確好似幾正斗。不過經廣泛報道後,就唔係咁容易book到了,而且佢平極都要接近二百蚊一位!

好啦,等我們介紹一個性價比更高,而且一樣可以兩手揈揈、唔使帶營帳的正斗露營地點畀大家啦!

價錢:四月至十一月$24蚊兩日一夜/其他月份$14蚊(抵到爛)
景觀:位於國級家地質公園內、大片草地、人造湖!毗鄰天文公園,天氣好的話,夜晚可以睇漫天星斗!
設施:可以玩水上活動、可以bbq、有基本煮食爐具至少可以煮即食麵
易book度:因為是康文署營地,所以早三個月便要入紙申請!不過呢,因為每晚人數上限為80人,所以經常都唔會滿。而大家係可以在至少三日前,在未滿額的日子隨時「執雞」的(有些日子更會完全無人book,咁你只要湊夠十個人,就可以包晒全場了!)

好啦,講了這麼久,究竟係邊度?開估吧——就係西貢創興水上活動中心了!

IMG_7460 copy

~蔗渣價錢,燒鵝享受!~

IMG_7462 copy

>創興水上活動中心位於西貢郊野公園內,萬宜水庫西壩附近,可以順便睇埋雄偉地質。

IMG_7467 copy

>名為創興水上活動中心,就梗係有水上活動玩啦!唔過夜的話,可以參加日營,日營只是盛惠每人7蚊雞咋!每朝九時,會有專車在西貢巿鄧肇堅運動場接載(如果自行搭的士,由西貢入去大約要九十元),下午五時會有回程車。7蚊雞已經包埋車錢。但參加各類水上活動或各式訓練班呢,就要另外收費,因為有教練會從旁指導,大概都係十幾蚊至幾十蚊不等,視乎時間長短,好抵玩。

IMG_7468 copy

>水上活動包括獨木舟、滑浪風帆、水上單車。但參加者須懂泳術。

IMG_7471

>人工湖水面平靜,奇特地質環抱,景色怡人。

IMG_7476 copy IMG_7478 copy IMG_7490 copy

IMG_7537 copy IMG_7486 copy

>唔玩水上活動?可以燒烤、打籃球,最正係,可以在草地上露營啊!

IMG_7530 copy IMG_7532 copy

>帳營、工具、睡袋、橡膠地蓆,乜都唔使帶,最適合一家大細,不用花錢買裝備之餘,又唔使「一抽二褦」!啱晒露營初哥,或帶住細路哥。

>營地全是草地,帳營不用營釘,因為借用的是蒙古包帳營,如果自己帶營,便要用沙包。不懂開營,中心會有職員幫你的啦!

IMG_7495 copy

>綜合大樓內有洗水間,也有更衣室,淋浴也有熱水供應。另外,有基本煮食設施,有電爐、微波爐、雪櫃、流理台等。同咁多人一齊輪流使用。碗碟筷子都有。

>同日營不同,過夜露營的入營登車時間係下畫2點半,離營就喺第二日中午 12點半。

>除了簡便的煮食外,這裡沒canteen,也沒有食物賣,但可以預早訂飯盒(喺麥里浩夫人渡假中心送嚟)或燒烤包。

IMG_7501 copy IMG_7502 copy IMG_7505 copy IMG_7506 copy IMG_7507 copy IMG_7535 copy IMG_7534 copy IMG_7532 copy IMG_7510 copy

>這裡夜裡觀星一流!與營地相連的,還有天文公園!天文公園是由康文署轄下的香港太空館管理的。要記得,公園雖然都有草地,但並不屬於可以露營的範圍啊,更加唔可以生火!要生火的話,就要去水上中的指定燒烤爐;要露營,則要去返指定露營地點了。

IMG_7522 copy IMG_7524 copy IMG_7510 copy IMG_7509 copy

>觀星座椅,斜靠上去,就可以用肉眼睇星星。

>公園入面仲有望遠鏡,不過已經用到殘殘地。有自家睇星器材,就梗係自己帶啦!

IMG_7539 copy IMG_7542 copy IMG_7540 copy

溫馨提示:價錢停留在幾十年前,所以預訂手續都停留在幾十年前。早三個月前接受申請,假設你要訂十二月的日子,九月可以開始book啦!你可以先打電話去問問心水日子仲有冇位(電話:2792 6810,上午9時至下午5時,逢星期四休息),然後可以上網下載表格,填寫好之後傳真或郵寄回中心。中心收到申請後,如果人數超過限額(每晚80人),就會抽籤。如果你有幸抽中,先至要寄上支票付款,完成整個程序。如果少於10人,當晚營地就不會開放。

 

福仔

福仔

天不怕地不怕只怕無得去玩的喵星人。有點壞心眼,喜歡作弄柴犬笑笑,但很疼鍚棉棉(主人BB)。討厭小朋友嘈吵、撒野和放聲大哭,更怕怪獸家長,會向他們發動反白眼和碎碎念攻擊!
福仔