【城巿一隅好風景】活力生猛的生果巿場

這是每位愛孩子的爸媽
都需要擁有的親子遊Guidebook

1

曾聞說有極端港孩食蕉唔識剝皮、以為橙就係搣好一塊塊的樣子……其實要打破無知,去一轉生果巿場,就乜種類都識晒啦!
油麻地果欄已有一百零二年歷史了,而家見到的面貌:大部分兩層高,有閣樓貨倉的磚石建築,就係大概八、九十年前所起的,已列為香港二級歷史建築喇。這裡是港島區和九龍區的生果批發集散地,嚟自世界各地的好味道生果例如日本水蜜桃、巨峰提子、韓國豐水梨、澳洲金奇異果、美國車厘子和新奇士橙‥‥‥一箱箱批發畀各區的生果攤檔。雖說批發為主,果欄內部分商鋪兼有零售,逛一圈,生果控的小編通常都已經失控,兩手捧走一袋二袋新鮮生果!

果欄的日與夜大不同。日間,商鋪大部分關門,但老式的字號招牌,陳舊的拉上了的閘門,內巷雖然昏昏暗暗但又亂中有序,單睇舊建築就覺有型有款;入夜後,搬運工人出動,人聲沸騰;到凌晨,競投、交易、出貨,貨如輪轉(曾有數據話一晚出貨5萬箱)!每次經過這時的果欄,小編都覺得呢度係一個充滿活力、生猛的地方,見證住香港勞動階層的勤奮同埋拚搏精神!
因為建築有特色,影相出嚟幾有味道幾有feel,所以吸引不少人(尤其是cosplayers)入內拍照。

**適合幼兒或以上。

WAI_7005WAI_6971WAI_6976WAI_6977WAI_6992

 

福仔

福仔

天不怕地不怕只怕無得去玩的喵星人。有點壞心眼,喜歡作弄柴犬笑笑,但很疼鍚棉棉(主人BB)。討厭小朋友嘈吵、撒野和放聲大哭,更怕怪獸家長,會向他們發動反白眼和碎碎念攻擊!
福仔