【藍色戶外活動】馬屎洲 二疊紀奇石行

這是每位愛孩子的爸媽
都需要擁有的親子遊Guidebook

 

IMG_0245
遠在2.9年億至2.5億年前的二疊紀,地球冇人,連恐龍都未有,有的是遠古海洋生物、爬蟲、軟體動物、苔蘚等等,仲有好多火山活動,大埔馬屎洲的岩石就係喺果時開始沉積形成。
馬屎洲列入國家級地質公園,自然教育徑位於小島東南面的沿海地區,有多個景點,也有指示牌解說各種地質現象,如億萬化石是怎樣形成的啦、海蝕係乜?風化係乜?褶曲又係乜?這些知識,不瞞大家說,小編S雖然高考和會考都有讀過地理,而且考得相當不錯,但到今時今日已經交番晒畀學校老師啦!去到現場,算係重溫一下;走在凹凸不平的石上沙上,只能小步小步行,停停看看:這裡的岩石不如之前介紹的西貢萬宜水庫般磅礡和震懾人心,不過睇下唔同的石頭紋理,都好得意,尤其好似神經血管的石英脈,同埋「香腸串」。
最大感覺還是很老土的:正所謂天地玄黃,宇宙洪荒;人生在世幾十年,喺時間洪流裡面,真係短過哥基狗隻腳啊。

IMG_0172 IMG_0174 IMG_0179 IMG_0180 IMG_0187  IMG_0195 IMG_0230 

IMG_0188

詳情請看香港地質公園的介紹短片:https://www.youtube.com/watch?v=Q_0PnJZYihI

溫馨提示:
(1) 下車後步入三門仔村,留意第二個公廁附近,有個不甚起眼的指示牌寫著「馬屎洲特別地區」;
(2) 沿路步上鹽田仔的山徑,途中有好些山墳;上次小編去時可能近清明時節,沿路撒滿衣紙溪錢,還以為行錯路。只要慢慢向上走,可見八仙嶺風光,也能看到船灣海的魚排;
(3) 回程可選原路折返或乘小艇離開。通常都有船家海岸邊在兜客叫遊人包艇回三門仔,通常每人收十多二十元。

福仔

福仔

天不怕地不怕只怕無得去玩的喵星人。有點壞心眼,喜歡作弄柴犬笑笑,但很疼鍚棉棉(主人BB)。討厭小朋友嘈吵、撒野和放聲大哭,更怕怪獸家長,會向他們發動反白眼和碎碎念攻擊!
福仔