【親子秘密花園】山頂花園 扮貴族野餐 悠閒星期日

這是每位愛孩子的爸媽
都需要擁有的親子遊Guidebook

IMG_2153 copy2

世事紛亂,污煙瘴氣,有時小編M真係好懷念舊日英式生活的優雅。

去山頂,凌霄閣和纜車附近俯覽太平山景色一帶不時擠滿旅客,無乜癮;不如信步行去不遠處的山頂花園,實在別有洞天。沿住山頂餐廳旁邊的柯士甸山道往上行(大斜路嚟架,要有心理準備),5分鐘左右經過柯士甸遊樂場,再往上走多約20分鐘,先見到藍白色的守衛室,拐個彎,就進入山頂花園範圍。

除非咁啱撞正有狗友們齊集放狗(對呀,這裡是難得可以攞正牌放狗的公園),呢度真係寧靜又帶點夢幻。前身是港督堅尼地的度暑別墅,採取維多利亞式典雅建築風,早於1868年興建,不過而家別墅已經拆左,只餘下守衛室而已。改建成為公園的山頂公園,內裡有大草坪、小山丘、水池、涼亭,濃厚的傳統英式風格,隱透一絲高雅氣派;喺鳥語花香的環境,可以拎本British literature出嚟睇下,營造書卷仙氣。推介《Animal Farm》或者《1984》,睇完真係喊住落山,唔想回到現實世界。因為今時今日,香港的現實世界就同書中虛擬世界差唔多。平日呢度遊人疏落,但就必定會見到一對對準新人嚟取景拍攝婚紗照,可想而知,景觀一流。

柯士甸山道沿道一帶是富豪大宅,成個地區頗有貴氣。搵日不妨著到懶優雅咁去呢處靚草地野餐,拎埋英牌Cath Kidston的野餐用品,鋪塊印有碎花圖案的野餐布和野餐墊,食件scone (English muffin),再喺暖水壺倒杯Earl Grey Tea出嚟呻兩口;讓美好時光,新鮮空氣洗淨滿腔污氣。好戀殖?no,從來正常人只係想追求美好。而香港本來就有,冇左梗係可惜。

22 copy copy

行山路大約20至30分鐘,見到警衛室就到了。

H3 copy

IMG_2176 copy2

20 copy copy  

IMG_2174 copy

前港督別墅守衛室現在已成法定古蹟。

23 copy copy 24 copy copy 25 copy copy 26 copy copy 27 copy copy 29 copy copy   33 copy copy

H copy

34 copy copy 35 copy copy 36 copy copy

IMG_2126 copy2

IMG_2151 copy2
公園內設有長桌長椅,最啱與三五知己一同來享受陽光和貴氣。咦,不帶英式茶點,好像圖中四人般改帶港式的地道風味——燒味,都另有一番好滋味喎(雖然唔多襯)。

37 copy copy

約20個車位的停車場,駕車人士直達。

38 copy copy 39 copy copy 40 copy copy 41 copy copy     

IMG_21462
公園位處於太平山峰南坡,高554米,差不多是港島區的最高點,可俯瞰傲視南區的壯闊景色,遠眺薄扶林水塘。

 IMG_2175 copy2

福仔

福仔

天不怕地不怕只怕無得去玩的喵星人。有點壞心眼,喜歡作弄柴犬笑笑,但很疼鍚棉棉(主人BB)。討厭小朋友嘈吵、撒野和放聲大哭,更怕怪獸家長,會向他們發動反白眼和碎碎念攻擊!
福仔