【半山那優雅的英式庭園】花香包圍野餐最佳 扮貴族嘆下午茶 悠閒星期日@山頂花園

世事紛亂,污煙瘴氣,有時小編M真係好懷念舊日英式生活的優雅。 最近去山頂,凌霄閣和纜車附近俯覽太平山景色一帶原本擠滿旅客,現在無曬嚕,久違的清靜。賞完景,一定要信步行去不遠處的山頂花園,實在別有洞天。沿住山頂餐廳旁邊的柯士甸山道往上行(大斜路嚟架,要有心理準備),5分鐘左右經過柯士甸遊樂場,再往上走多約20分鐘,先見到藍白色的守衛室,拐個彎,就進入山頂花園範圍。每年3、4月,花園四周種滿的杜鵑花都會盛開,也有些其他時花,優雅中帶點夢幻! 除非咁啱撞正有狗友們齊集放狗(對呀,這裡是難得可以攞正牌放狗的公園),呢度真係寧靜又帶點夢幻。前身是港督堅尼地的度暑別墅,採取維多利亞式典雅建築風,早於1868年興建,不過而家別墅已經拆左,只餘下守衛室而已。改建成為公園的山頂公園,內裡有大草坪、小山丘、水池、涼亭,濃厚的傳統英式風格,隱透一絲高雅氣派;喺鳥語花香的環境,可以拎本British literature出嚟睇下,營造書卷仙氣。推介《Animal Farm》或者《1984》,睇完真係喊住落山,唔想回到現實世界。因為今時今日,香港的現實世界就同書中虛擬世界差唔多。平日呢度遊人疏落,但就必定會見到一對對準新人嚟取景拍攝婚紗照,可想而知,景觀一流。廣告 柯士甸山道沿道一帶是富豪大宅,成個地區頗有貴氣。搵日不妨著到懶優雅咁去呢處靚草地野餐,拎埋英牌Cath Kidston的野餐用品,鋪塊印有碎花圖案的野餐布和野餐墊,食件scone (English muffin),再喺暖水壺倒杯Earl Grey Tea出嚟呻兩口;讓美好時光,新鮮空氣洗淨滿腔污氣。好戀殖?no,從來正常人只係想追求美好。而香港本來就有,冇左梗係可惜。廣告 行山路大約20至30分鐘,見到警衛室就到了。 廣告 前港督別墅守衛室現在已成法定古蹟。     廣告 支持我們繼續營運「拖手仔去街GUIDE」旅遊網一直由編輯K和M自掏腰包經營,由2016年至今已經幾年,背後並無任何BACKUP。亦由於我們不想太HARDSELL和賣廣告,一直以來極少接鱔稿JOB。如覺得我們的資訊又用,想給我們一點鼓勵,請以PAYME或FPS打賞(SCAN QR CODE)。多多益善,少少無拘。Payme: https://payme.hsbc/guideguidehkFPS ID(轉數快):0718742(姓名 HUI S*** M**) \ 公園內設有長桌長椅,最啱與三五知己一同來享受陽光和貴氣。咦,不帶英式茶點,好像圖中四人般改帶港式的地道風味——燒味,都另有一番好滋味喎(雖然唔多襯)。 約20個車位的停車場,駕車人士直達。廣告 公園位處於太平山峰南坡,高554米,差不多是港島區的最高點,可俯瞰傲視南區的壯闊景色,遠眺薄扶林水塘。 鄰近行山:盧吉道 【親子行山徑】史上最高級行山路線 太平山頂盧吉道 每步都是價值一百萬的美景 鄰近靚公園 同樣英式貴氣  霸氣紅磚廁所:柯士甸山遊樂場 【貴氣公園】柯士甸山遊樂場 維多利亞式氣派