小編今日去了屯門公園得共融遊樂場～～真係好好玩！！！
比傳統的遊樂場，多了更多設施，而且設計新，從未係其他地方出現過，好玩、創新、刺激！以小編倆去勻全港得免費遊樂場來計，一致認同：呢個最好玩！

亮點1：一次過玩水又玩沙
拍拍水中小鼓，係水下奔跑，今日熱返好應景；又有沙池，可以在沙中尋寶。真係從未係其他遊樂場見到帶齊呢兩樣！同區還有高高低低的小山丘區、彈床、音樂小玩意如敲擊樂器和鼓等。

亮點2：
7米高攀爬城堡，爬高爬低，除了繩網，還有攀爬牆，木製走道⋯⋯又高又刺激，適合唔同能力的小朋友玩樂，挑戰性好高！而且，城堡連住有5條不同長度、不同類型的滑梯，好好玩！

亮點3：
氹氹轉小編K一向很愛，這裡有個繩網X氹氹轉，可以一邊爬一邊轉，更暢快！

亮點4：
鞦韆幾有特色，其中兩款好正！1係搖籃式鞦韆，小朋友同爸媽可以一盪，大人細路都玩！2係圓形的共享鞦韆，2個好朋友可以一齊坐住玩，好新鮮，仲可以去到12歲都俾玩！

亮點5：
講明共融，設施都設計得好有心思。遊樂設施設計超用心，其中有款不鏽鋼滑梯，就轉為聽障兒童而設。

PS：平日都好多人，相信假期會更多人～

鄰近好去處：遊樂場隔離有「爬蟲館」，都好值得入去玩！
詳情：https://www.guideguide.hk/?p=110